БИШКЕК, 5-авг. — Sputnik. Нарын облусундагы "Долон" ашуусунда КамАЗ менен жүргүнчү ташыган автобус кагышканын ӨКМ билдирди.
Маалыматка ылайык, кырсык 5-августта саат 05:05те Долон ашуусунда Ат-Башы — Бишкек каттамы менен келе жаткан автобус менен КамАЗ кагышкан.
Анын кесепетинен КамАЗдын айдоочусу жаракат алган. Автобустун ичинде 39 жүргүнчү болгон. Оор жаракат алгандар болгон эмес.
Окуя болгон жерге куткаруучулар барып жеңил жаракат алгандарды Кочкор райондук тез жардам кызматкерлерине өткөрүп беришкен.
